被困理大三日兩夜的女急救員 Alice，在昨晚（28日）的尖沙咀「聲援理大﹑反對圍捕」集會中分享在理大中所目睹的慘況，有人被警棍打至頭破血流，有人為殺出一條血路而傷得不堪入目。Alice以「戰場」來形容理大，受傷的不只是示威者，很多她認識的急救員，經過理大圍城戰後，都表明不敢再上前線。
上周日（17日）， Alice和隊友食飯時，得知理大爆發嚴重警民衝突，隨即前往理大支援學生。其後水炮車到場，衝突開始升級。當晚，在理大的示威者漸漸減少，而留守的人卻亳無意欲離開，她和其他的急救員開始為去留掙扎。在猶疑之際，她們從網上得知有一班急救員被警方鎖上手扣或索帶拘捕，「其實無論如何都被人拉嘅話，我地就決定留現場，因為現場都有為數不少嘅學生。」
「落場以嚟，我哋系真系冇喊過，但嗰晚，所有 First Aid都圍住喊，我哋唔知道嗰晚會唔會系我哋嘅最後一晚。」
之後展開漫長的理大圍城， Alice和其他急救員深知無法離開，「啲學生仍然選擇奮戰到最後一刻嘅時候，我哋唯有繼續陪大家奮戰到最後一刻。我哋圍埋寫遺書，寫畀我哋嘅屋企人，寫畀朋友，我哋覺得我哋冇第二個朝早可以見到大家。」校內一片愁雲慘霧，校外卻戰火連天，警民衝突越演越烈，一眾急救員亦無時間低落，「喊完之後，我哋就知道要返崗位，我哋要繼續做我地要做嘅野」
理大示威者的傷勢， Alice以「恐怖」來形容。她見過有示威者頭部有嚴重裂傷，由頭頂後腦的「鑽」位，延伸至頭頂蓋前，「我問佢『你點整親㗎』，佢話佢俾警棍打，打一棍啫。」
亦有一班勇武示威者希望「衝出一條血路」，好讓被困的人離開，「其實佢地真系好傷」。當中一名示威者的下巴裂開一條又長又深的血痕，「可以見到骨」。如此慘烈的情況，讓 Alice在醫療室外被嚇呆，「我真系企左喺度......究竟呢班嘅學生做錯左乜嘢？」
Alice透露，理大內有學生自殘，背部有開放式傷口，傷口更開始發炎。據她所知，理大內有5至6名示威者有創傷後遺症的症狀，「其實可唔可以救咗佢哋先，而唔系繼續去圍困佢哋」。
「拉人系咪咁重要？比學生嘅身心靈更重要？其實佢哋只系十幾歲學生，點解要咁對佢哋？」患上創傷後遺症的不只是在理大內的示威者， Alice透露，不少急救員亦不敢再上前線，「今日我問『有冇人可以出嚟做 First Aid呀？』，好多人都話『我真系唔夠膽』﹑『我估我要睇下醫生先』﹑『我唔系好頂得順』。
Alice回憶在理大被困的日子：「連我地 First Aid都真系頂唔順個種圍困嘅感覺，我地都想搵路走」，後來有人成功逃出，有人被警方「抄牌」後獲准離開，但離開了理大，亦要時時擔心隨時會被起訴，「呢一種煎熬原來真系好驚，更何況一啲小朋友直接被拘捕，我諗我系難以想像佢哋嘅感受。」
