黎姿今年7月誕下孖女家蔚和家鎂後，為BB健康着想親餵人奶，並為求有足夠奶水餵BB而沒有實行收身大計。不過，隨着BB漸長，黎姿的奶水已不夠兩個大食B女享用，所以月前已停餵人奶改餵奶粉，並積極進行收身大計，結果個多月已成功減去10多磅。前日，黎姿身形苗條現身銅鑼灣，雖然因天氣太冷她由頭到腳包到實，但面形已由圓咕錄變回尖尖瘦面，擦亮愛美神的招牌。
現年39歲的黎姿去年與富商馬廷強結婚後積極造人，結果今年7月產下孖女，大孖叫家蔚，細孖叫家鎂，其中細孖出世時因為只得3磅多而要繼續留院睡氧氣箱，直至9月細孖體重已回升至逾5磅後，黎姿才接乖女出院，一家四口樂團圓。
前日下午4時半，黎姿乘坐白色七人車離開地利根德里蘭心閣寓所後，直駛往胞弟黎嬰位於銅鑼灣金朝陽中心的Cosmax+美容中心上班。束起馬尾，一身黑衣及挽着Herme sbirkin手袋的黎姿，雖然因為天氣寒冷而穿上大衣包到實，但月前面部腫脹的她，包包面已經消失，回復昔日尖尖瘦面。黎姿與女助手落車後一邊走一邊有說有笑，並因為天氣寒冷而不時用手按住領口位置，當她發現記者時，仍笑笑口心情甚佳，但未有停下來接受訪問，直往美容中心。數分鐘後，黎姿女助手忽然折返上前問記者身份，然後女助手點頭微笑後離開。
7月懷孕期增磅甚多的黎姿誕下孖女出院時，其巨肚恍如未生產的孕婦般。
9月黎姿與老公馬廷強到中環開餐時，遠遠可見到她的雙下巴和粗腿。
