我問令計劃，會唔會跟國家主席胡錦濤七一回歸十周年訪港，?笑而不答，只系話：「謝謝，要開會。」嘩，呢兩句話，睇怕系傳?會上位以唯一公開講話。

中共中央「十七大」秋天召開，有關中央人事調整消息愈傳愈勁，港人梗系最想知主管香港政策港澳工作協調小組有乜動向啦，消息話，曾慶紅「十七大」之後官職或會「執位」，伴隨淡出小組，依家?同令計劃並肩執掌小組，其實就系一種職權交接過渡安排。換言之，無論明年三月之後由邊位中央大員掌管港澳工作協調小組，令計劃都系擔當重角一員。

傳大曾淡出協調小組

消息透露，其實港澳工作協調小組最初成立時，系由胡錦濤一把抓，不過○三年底台海局勢緊張，胡總難以兼管台、港政策，所以由曾慶紅頂上。北京官場傳出，○五年底香港政改觸礁，胡錦濤開始又睇多香港問題，落手落腳具體事務就由令計劃代勞，所以依家小組重要文件，都系一份送交曾慶紅，一份送交令計劃。

消息話，曾慶紅系好大機會淡出協調小組，不過會十七大之後，令計劃依家系代表胡錦濤坐小組入面，至於第日邊個接替小組組長一職，就要拭目以待。朝住呢個方向，大家不妨留意全國政協副主席兼統戰部部長劉延東動向。