幾日之前網上流傳一條聲，指名道姓話「袁詠儀怒罵佔中人渣」，聲帶中女聲自稱五十歲，話自己本身系政治冷感嘅人，奈何近日被佔中激到飛起，仲話自己好激動咁同個仔講:「嗰啲年輕人，嗰啲行為，令我好激憤，但系我唔會話反對阿仔你佔中，但奈何，你家迫到我不得不要反佔中。」
何解?呢把女聲話，最重要系因為老師向學生「灌輸」訊息，佢話:「我哋為未來，將來系我哋嘅，將來唔關你事，下?我要出去佔中!」呢把女聲聽完阿仔咁樣複述老師的話，嬲到火起:「咁即系咩意思呀?唔關我事呀?即系話，你死得0架喇!同我講。原來你哋呢啲所謂側邊嘅，為人師表系咁樣教我啲仔女，我點敢俾啲仔女返學呀?」條聲長逾8分鐘。
其實把聲根本就不是靚靚袁詠儀，而她兩日前亦有於微博澄清，話:「今日網上流傳一位女仕對政治的言論，因為聲線與本人相似，讓很多朋友及民眾誤會是本人和憂心，請放心!此刻的我只寄望學生及民眾能安全及冷靜地回家!」
無奈，傳聞依然傳之不絕，一個話系，就廣傳到一百個都話系。結果靚靚今日再次更新微博澄清道:「再次澄清這段聲音錄音並不是本人，有關轉發機構請刪除我的照片，勿再誤導民眾!」
袁詠儀接受本報訪問時謂:「最近喺網上有一位女士，發表咗一啲佔中嘅言論，因為佢嘅聲音同本人有啲相近，再加上有啲傳媒喺未求證下就加上咗我嘅相片，而產生好多誤解以為系我，同埋令我嘅朋友擔心。其實現階段我只系想事情可以儘早得到溝通，心平氣和咁去解決，令到香港可以好似以前一樣繁榮。」
