共產黨幹部閒時借公幹來港遊逛,最近有個新觀光勝地,就系鳳凰衛視採訪部。
鳳凰香港台靚女主播黃珊喺facebook狂呻,話每星期都有大陸VIP到電視台參觀,公司要員工(包括女主播)接待,記者、主播好似變咗知客、導遊,十分難頂。黃珊更透露,有位大陸人揚言開套新劇《伏波傳奇》,邀請渠主演,跡近調戲。
2001年喺浸大傳理學院畢業慨黃珊系公認大美人,結咗婚依然系唔少宅男夢中情人,難怪被幹部睇中,為免被騷擾,渠要以各種奇招閃避呢啲接待活動,有日「又有國家領導人到訪,我決定去廁所走一轉」,可惜不出幾分鐘渠就被「逮捕」,大嘆「畀老闆打嚟捉住咗」。
黃珊(左)工作以外都好重視家庭,囡囡「細細個」同老公(右)系渠命根。
結果點樣甩身?渠自爆扮Print嘢都系好方法,嗰次攞Print out時,遠距離同老闆及檢察院長打招呼就解咗圍。渠無提及呢位檢察院長嚟自邊個省市,但肯定海南同湖北領導都曾經喺鳳凰留下腳毛,有個Friend仲話見到黃珊出現喺海南台。
黃珊陪老闆陪到煩厭,有次大呻:「頂,唔好再搵我出嚟啦,唔該」。渠自爆唔知邊度慨「大陸佬」有次叫渠拍戲,戲名叫《伏波傳奇》。渠某個Friend搞爛gag,話系咪《微波傳奇》至真?黃珊無奈話情願做《神鵰俠侶》只雕仲好囉。主播呢份工,認真唔易撈。
鳳凰香港台女主播黃珊喺fb呻大陸領導不停到訪新聞部，叫渠應接不暇。