在荒謬的國度，藝術家可以人間蒸發；領導人妻子，也可以忽然消失。「溫吳會」其中一個焦點，系溫家寶破天荒帶埋妻子張蓓莉接見吳康民夫婦，而四人喺中南海嘅合照，更加系幾十年來溫家寶夫婦唯一曝光合照，令到呢次「溫吳會」更加矚目。
不過本地愛國報章(阿波羅網編者註：香港黨媒)「被決定」低調報道會面後，竟然連溫、吳兩對夫婦嘅四人合照都「河蟹」左，八方噚日翻遍又翻遍《文》、《大》、《商》都搵唔到呢張合照，總理夫人忽然不見了！三份報章只系刊登溫家寶攙扶吳康民落樓梯嘅相片，同埋兩人合照，張蓓莉樣貌始終不能「出口轉內銷」。