新聞 > 國際財經 > 正文

超慘烈!歐洲聯賽停擺引爆百億經濟危機

新冠肺炎肆虐,歐洲各大聯賽停擺,所造成嘅經濟損失有幾大?單計西班牙同德國兩地,原來總額高達13.6億歐元(約118.7億港元)!

西班牙COPE電台攞到一份嚟自西班牙聯賽會(Laliga)內部分析,西甲、西乙雖然暫時只系延期2星期,但假如果一直停到球季結束,各項損失將預計高達6.8億歐元;唔少低組別球會,包括一啲財政唔健全嘅老牌球會,更可能出現倒閉潮!

據Laliga估計,損失主要出自3部分,包括轉播,門票,季票。當中轉播收入方面,西甲會損失4.94億歐元,西乙系5500萬歐元,合計5.49億歐元。門票同季票損失亦相當甘嚇,西甲、西乙票房損失將達4000歐元以上,其中西甲門票收入將由原先估計嘅1.34億下降到9550萬,西乙就由960萬減至700萬。講到季票,西甲和西乙預計共損失8800萬歐元,其中西甲嘅收入會由2.72億跌至1.94億,西乙則由3790萬下降到2800萬。

根據COPE電台透露,唔少球會已經出現恐慌情緒,因為今次停擺帶來嘅損失,令佢哋飽受壓力,事關多數球會都有銀行貸款孭住,停擺後果非常嚴重。查實球員都不會好過,消息話如果擺繼續停落去,球員將要減薪25%。

另邊廂,德甲、德乙36隊嘅代表,下周將討論今季德甲提前結束嘅可能性。《圖片報》話,如果德甲在本周末的第26輪比賽過後就結束的話,總計損失將達到6.8億歐元,甚至影響到一啲細球會嘅生存。德國足總已經表態願意向有需要球會伸出援手,但系目前未有詳細方案。

責任編輯: 楚天   來源:東網 轉載請註明作者、出處並保持完整。

國際財經熱門

相關新聞

➕ 更多同類相關新聞