全智賢由拍拖到結婚，一直保持低調。
全智賢紅透半邊天，佢由頭到腳都俾大家偵察過，終於輪到全智賢老公崔俊赫!兩年年前，即系2012年，4月全智賢宣佈下嫁金融才子崔俊赫，當時崔俊赫全家都好低調，宣佈婚訊記者會，只系得全智賢一個撐場，一張相都冇畀傳媒影過，亦曾經有韓國傳媒拍到全智賢和崔俊赫拍拖，男方都被打格保護，所以相當神秘，今次香港有媒體飛去韓國，拍到崔俊赫嘅靚仔返工look，同埋運動員look。
當老婆全智賢忙到甩轆趕拍《星星》大結局，老公崔俊赫繼續日出而作，日入而息，一大清早七點半着住老西出門口返工，黃昏五點準時返到屋企，之後換衫打籃球，一個人打悶波，半個鐘就返歸，生活相當正經又規律，咁睇真系一個難得嘅好男人。
崔俊赫真系名乎其實嘅「高富帥」，有成6尺高，外型比金秀賢更成熟穩重，現職美國銀行高層，本身因為家底唔錯，父親系知名金融管理公司大股東，所以順理成章入行做金融，0依家身家都接近3億港元，老公高大靚仔有型又疊水，所以平時全智賢睇到老公好實，婚姻生活都儘量低調，系可以幾低調就幾低調。
為咗討老公和奶奶歡心，全智賢都好識做㗎!唔使拍戲時就會變身新抱仔，陪奶奶打高爾夫球，仲會學煮幾味添。大家系《星星》睇到嘅千頌伊系地獄廚神，現實世界只有崔俊赫可以獨享美女廚房，咁要襯番「高富帥」老公，全智賢都要入得廚房出得廳堂。
 崔俊赫罕有被媒體拍到生活照曝光 |
 全智賢有個高富帥老公，仲要唔識蒲剩系鍾意佢同打波，真系幸福！ |
 當日宣佈結婚記者會，都系全智賢單拖出來，老公崔俊赫真系勁低調。 |
 |
 |
