去年7月，梁朝偉與劉嘉玲於不丹結婚，婚後揚言不設防努力造人，不過事隔將近一年，嘉玲肚皮未有聲氣，她這邊廂表示「已經同天表示要BB」，那邊廂又遠赴橫店拍攝徐克執導的《狄仁傑之通天帝國》，拍戲大過天，所以暫停造人。
據知，夫妻倆為生仔問題已經爭拗過無數次，加上偉仔不滿老婆於新作中與一向關係不好的劉德華合作，就算明知華仔上月端午節放假返港，也拒絕到片場探老婆班，搞到嘉玲過節時都在片場狂發脾氣，夫妻感情再劃上裂痕。
上月13日，記者拍得嘉玲盛裝到西九龍W酒店會西裝型男，二人一見面即又抱又親，繼而聊不停；翌日，嘉玲為補救與偉仔到置地的餐廳吃食飯，不過離開時，二人未有交談，一前一後如同陌路人，昔日的十指緊扣溫馨場面不再。
