去年反送中運動，走在前線的多為年輕抗爭者，看到一班無私付出、一再被警方濫捕濫暴但沒畏懼退縮的年輕人，不少銀髮族亦被感動加入戰線。袁彌明的71歲商人父親袁弓夷過去一年不停為抗爭者發聲，及至最近人大通過「港版國安法」，香港將面臨一國一制，自由被收回，袁弓夷早年居住美國紐約曼克頓時，曾跟當時未做美國總統的特朗普（Donald Trump）做過樓上樓下鄰居，袁弓夷上周即撰寫英文信致特朗普，講出香港現況，請求他出手協助。
出生在上海的袁弓夷7歲來港，在中國住過20年，在美國住過20年，更在香港住過逾30年，透徹理解三地政局，他希望用人生閱歷和生命僅餘的時間，跟年輕人共同捍衛香港這個家。人大已通過「港版國安法」，袁弓夷認為此刻只有國際出力才能制衡中共，特朗普近日都開始向中共出招，上周表明美國不會再視香港為一國兩制，而是一國一制，美國將開啟程序撤銷對香港的特殊待遇，並會制裁削弱香港高度自治的中港官員，袁弓夷分析不排除中美會開戰。
屆時中國未必被美國壓倒，「北京夠野蠻，佢講乜都系啱，佢冇道理，唔聽人講。」袁弓夷表示若中美開戰，香港肯定是受害者：「兩個巨人喺小香港度打，到時我哋要做好心理準備，至少6個月到1年，香港人會好艱苦。大家最好儲定錢，儲夠1年糧食，勒緊肚皮，而家已經算短兵相接，你一招，我一招，唔系虛張聲勢，升級就會打仗，海戰、空戰，甚至飛彈戰完全系可能發生嘅，希望今年內會結束。」袁弓夷估計中共國家主席習近平下一步棋會「縮」：「習總呢個人，每次嚟個勢都好強，但6年政績，都系虎頭蛇尾，佢可能覺得咁做就夠，做咗就得到國內人支持。呢次佢6成機會會退讓，反而美國今次未必會放過佢，因為疫情死咗成10萬人，美國原本只系20萬人失業，而家增加到4,000萬人失業，損失系6萬億美金，特朗普砌低你，選民會睇到佢為美國人出咗啖氣。」
香港人去年至今，先經歷社運，再爆世紀疫症，經濟民生大受打擊，過慣安穩生活的港人再遭戰禍肯定叫苦連天，袁弓夷坦言：「我哋都好咗好耐，幾多人苦過我哋？香港人真系好好運，錢有得使，又有好嘢食，系住得辛苦啲啫！香港人爭取自由，真系要付出代價，有錢佬爭取緊佢哋所謂嘅自由咪就系移民。唔系個個人有咁嘅能力，佢哋咪要維護自由民主法治。唔好睇小呢班????仔，佢哋真系明白事理，我哋細個就話戇居居，佢哋（抗爭者）日日上街，知自己要乜嘢，佢哋冒住俾人拉、俾人打都堅持爭取，佢哋好了不起。」
袁弓夷有甚麼寄語給這班年輕人？「佢哋仲清醒過我哋呢輩，佢哋應該去教嚇班90幾歲嘅濶佬，教嚇佢哋點去做人，點去尊重香港嘅自由，唔系淨系佢自己嘅自由。呢班有錢佬個個都自私，大陸系咁踩入嚟，系大陸違背咗一國兩制，呢班濶佬為咗好處又唔敢出聲，佢哋系香港罪人、賣港賊！如果以中國利益嚟睇，佢哋亦系賣國賊。反而呢班後生仔系我哋嘅將來，所以我寄語佢哋要繼續做，有美國人支持佢哋。」
袁弓夷當然希望有生之年見到抗爭成功：「我大膽估計，今年系最好時機，疫情令全世界死咗咁多人，中國知道自己闖咗禍，全世界見到香港咁又同情我哋，中國經濟一塌糊塗，咁嘅情況下抗爭系最好時機，如果過咗今年就難好多，到時唔知特朗普仲在唔在位。而家系『Perfect Storm』完美的風暴，今年唔出力，明年唔知仲有冇機會喇！」袁弓夷呼籲大家走國際線，把真相傳出去。日前是「六四31」，基於限聚令未解封，巿民今年未能到維園集會，有機會各區遍地開花，袁弓夷提醒大家：「要精啲，要大聲出力，唔好無辜俾佢哋拉，唔好傷咗自己身體，而家犧牲系冇用。」
已71歲的袁弓夷望善用餘生出力抗爭到底：「我呢個年齡，最緊要系仔女同兒孫，佢哋前途梗系重要過我，再過10年8年我都冇喇，對佢哋嚟講就啱啱開始。若果要生活喺共產黨統治下，點做人呀？咁嘅環境日日要講大話、日日要受氣，點會有前途？」即使可以移民，袁弓夷指也是做二等公民，「我哋初初上海過嚟，開頭都好辛苦，去到邊度都俾人歧視，要喺一個地方累積落去先會成功，我唔想下一代移民，想佢哋可以喺健康環境下成長，將來一代好過一代。我仲有10年工作能力，我想好好利用呢段時間幫助年輕人，製造一個好嘅環境畀佢哋成長，呢啲系我嘅責任，咁快退休，就好快死。好多後生要搵食，未必有時間拎出嚟，我攞得出呢啲時間，又有人生經驗。」
袁弓夷並不擔心「港版國安法」會秋後算賬，立場堅定的他說：「我驚就唔會行出嚟，中國14億人口點解冇改良？咪因為個個都驚，冇人敢行出嚟！咁咪世世代代都系咁，咁咪（做）奴隸囉！你想做奴隸定自由人？就系咁簡單。大家要對惡法出聲反對，睇住年輕人被濫暴，大人反而匿埋？有冇搞錯！咁點做大人呀？有錢佬怕荷包大縮水，到底佢哋系咪覺得錢緊要過正義？定錢重要過自由？我鎖住你，就算畀好多錢你都冇用，自由定名譽重要？自由先系無價。」袁弓夷不屑一國一制，「而家個個都話移民，難聽啲移民咪系難民。香港系我哋個家，（大陸）而家踩入嚟，要趕我哋走，留島不留人，佢哋憑乜嘢呀？香港系屬於香港人，上海系屬於上海人，點解大陸走過嚟，話香港系你嘅，咁即系搶。」
