「黑社會犯咗法都有警察拉，警察犯咗法系冇人拉，無法無天，咁真系衰過黑社會。咁我唔系警察阿嫂，我系黑社會阿嫂，黑社會阿嫂俾人復仇系一個結果，因為正常途徑市民覺得冇得申冤。」林太跟任職普通警員的丈夫，育有兩個小孩，九月以來最令她擔心的，不是孩子會被欺凌，而是警察的暴行如癌細胞般擴散。即使在警察圈子，黃色屬小眾，她也不會改變自己求真的性格，「你當初嫁俾警察，或者我先生選擇做警察，系想做一個正義的人，唔系咩？點解警察變質，我反而要投誠？」
林太稱丈夫非最前線的警員，不認同警察用私刑，有想過辭職。「我知佢唔系深藍。但運動初期，我系禮貌地請教佢，點解警察唔戴委任證，佢覺得我挑釁佢，自始我好少喺屋企講嘢，唔知幾時先可以暢所欲言。」說着眼眶通紅，「價值觀都幾唔同，我支持成立獨立調查委員會，有違反警例嘅警員被停職候查，咁先可以還警察清白。佢反對，其一系認為有人會轉做污點證人，冇得被追究；其二認為「偏黃」法官冇可能公正審訊。」丈夫在社交媒體unfriend所有持相反政見的朋友，避看新聞；她則不停留意運動的新聞，一段影片要前後反覆查看，深怕自己偏頗。
「系警察欺凌人在先」
談起兩個孩子小學的情況，她說子女沒受欺凌，「我見到嘅系，開學時啲學生只系嗌口號冇衝擊，警察去到學校門口，十個圍一個學生又有，獅子撲兔咁撲一個學生又有，咁系警察欺凌人在先。你怕自己小朋友被欺凌，所以你要欺凌人在先？呢個乜嘢道理？」林太說不會說服孩子跟自己的一套想法和價值觀，「首先屋企已經唔講時事，另外我都講唔到邊個嘅立場啱，我只能教佢哋，一件事系咪事實，唔系靠邊個講你知，唔好馴服於權威，呢啲就系批判性思考。」
「警隊入面都有人覺得，警察唔系做啱曬，呢個系事實，唔系話洗唔洗白。」林太最憤怒的是當權者縱容和包庇警察，直接造成今日「禍必及妻兒」局面。「咩叫無後顧之憂？你哋綁埋家屬上枱。林鄭任期最多五年十年，但家屬身份系一世。」「如果三個月嚟，警察完全冇做錯，林鄭政府或者之後特首會同警察講：『我唔會出賣你哋。』咁警察身份就系一個特權，警察家人就系特權家庭，佢哋有好多福利，但都會孭住呢個名，俾所有香港市民厭惡。好似 大陸公安都有權，但市民系怕佢哋，唔系尊敬佢哋。」
警隊充斥深藍「一國一制都無所謂」
她留意到警察圈子中有不少深藍人士，認為一國一制也沒所謂，「佢哋覺得警察系幫社會清瘀血，呢種諗法好容易，相反我嘅矛盾系好大，我住喺警察宿舍都覺得非常之羞恥。」眼見議會不公義，警察濫捕濫告，政府選擇性監警，林太認為要勿忘初衷，勇於發聲。「你當初嫁俾警察，或者我先生選擇做警察，系想做一個正義的人。我咁鍾意特權我走去嫁黑社會啦，點解而家系你（警隊）變咗質，我要走去投誠？」談到警隊聲譽盡喪，她不禁淌淚，「如果消防員要市民俾錢先救火，要送生果醫生先肯醫你，香港市民系應該傷心。」
「8.31太子站事件，令我好憤怒，我同先生講，你unfriend我啦，我要出啲好激嘅post。」丈夫了解她敢言的性格，沒有unfriend，甚至沒制止她加入警察家屬連線。「佢有話：『不如我哋移民啦。』我話，如果出咗《人權法案》，警察冇得移民喎。」談到對警民關係，對運動未來的想法，她覺得年輕人讓她仍抱希望。「香港人喺呢個運動帶出咗一種身分認同，一個對自由，法治，人權嘅理性主張。我覺得啱就要繼續行，唔系覺得情況唔樂觀，示威者俾人拉，既然系咁，我撐番政府，唔系咁樣買注。如果唔系一啲喺呢個咁唔公義嘅社會嘅人，只會被欺壓得更犀利。」
