娛樂 > 精品推薦 > 正文

20年前當紅時隱退 周慧敏釋原因:我迷失了

「玉女掌門人」周慧敏出道30周年,早前宣佈將於2018年1月舉行紅館個唱,結果反應大熱,更特意加開一場。雖然不愁門票銷情,不過Vivian近日仍然密密做宣傳接受訪問,希望能與樂迷多溝通。近日接受雷霆881節目《一圈圈》訪問,重提當年事業如日方中時突然引退的往事。

Vivian接受商台節目《一圈圈》訪問時,向主持梁泰來自爆當年引退經過。

1997年,周慧敏在日本推出了第二張個人日語Single《逢いにゆきたいの》及完成大西洋城的演唱會後,便正式宣佈淡出娛樂圈,並與男友倪震移居加拿大。Vivian在節目中,除了憶述當年媽媽反對加入樂壇外,更表示原來早在自己27、28歲時已想過要停低:「當時個人好迷失,十年嘅娛樂圈生涯,每日都好似機器咁唔停。有好多想法同自身需求已經同岩岩入行嗰時嘅小妹妹心態唔同,所以我覺得自己要停低放一個長假,不過冇諗過呢個長假會系咁多年。」

當年周慧敏紅到去日本發展,不過出了兩張Single後便決定引退。(網絡圖片)

1997年,周慧敏在日本推出了第二張個人日語Single《逢いにゆきたいの》及完成大西洋城的演唱會後,便正式宣佈淡出娛樂圈,並與男友倪震移居加拿大。Vivian在節目中,除了憶述當年媽媽反對加入樂壇外,更表示原來早在自己27、28歲時已想過要停低:「當時個人好迷失,十年嘅娛樂圈生涯,每日都好似機器咁唔停。有好多想法同自身需求已經同岩岩入行嗰時嘅小妹妹心態唔同,所以我覺得自己要停低放一個長假,不過冇諗過呢個長假會系咁多年。」

原來Vivian立下決心要引退,源自身體「亮起紅燈」,她憶述:「有一次我拍緊戲,突然覺得隻眼有啲唔舒服,所以我就想同團隊請一個鐘頭假,過海睇眼科。當年都未有保姆車,我自己截的士過海,仲要塞車。嗰一刻我就發現自己唔妥,好焦慮咁喺車上喊,個司機見到都好驚問我有冇事,我同佢講塞車令我好焦慮。經過呢件事,我就覺得要正視呢個問題。」雖然Vivian當年不愁衣食,但她表示:「當時我系搵到錢,但我冇時間去洗,我都感受唔到自己嘅歌手夢想實現左。所以我覺得要狠啲停低,轉埋電話號碼比自己休息。因為我個人好心軟,我驚自己接到啲工作邀請會唔好意思推。」

原來Vivian當年決定停下,是在拍攝途中發現身體亮起了紅燈。(網絡圖片)

不過當Vivian真正停低後,她卻發現不如自己所想:「我發覺原來我好多野都唔識,我淨系知點樣做好歌手同演員嘅角色。去到其他事情上,我好似返到去一個小朋友嘅階段咁,連照顧自己都唔知做唔做到。於是我去左外國生活,由照顧自己開始重新學起。」

當年周慧敏開始停下來後,卻發現自己原來什麼也做不來。於是移居加拿大,由照顧自己學起。

對於即將舉行的演唱會,Vivian亦將其視為「最後一次」:「難得自己仲有喺台上做咁Heavy表演嘅魄力,我就覺得今次呢個演唱會一定要做,因為真系做一次少一次,所以我而家已經將呢啲咁Heavy嘅表演,每次都當系最後一次咁做。」

Vivian表示現時每次做演唱會,也會當作是最後一次來做。

責任編輯: 鄭浩中  來源:香港01 轉載請註明作者、出處並保持完整。

本文網址:https://hk.aboluowang.com/2017/1108/1021711.html

相關新聞